एसिया कपः फाइनलमा श्रीलंका र भारत भिड्ने पक्का

काठमाडौँ- एसीसी एसिया कप क्रिकेट प्रतियोगिताको फाइनलमा श्रीलंका र भारत भिड्ने पक्का भएको छ ।

सुपर फोरअन्तर्गत बिहीबार राति श्रीलंकाको कोलम्बोमा भएको खेलमा पाकिस्तानलाई हराउँदै श्रीलंकाले भारतविरुद्धको फाइनल सुनिश्चित गरेको हो ।

---

भारत भने सुपर फोरका दुई खेल लगातार जित्दै आइतबार हुने फाइनलमा स्थान सुरक्षित गरिसकेको थियो ।

वर्षाका कारण प्रभावित भएको बिहीबार रातिको खेलमा श्रीलंकाले पाकिस्तानलाई डिएल मेथडअनुसार २ विकेटले पराजित गर्‍यो ।

टस जितेर पहिले ब्याटिङ गरेको पाकिस्तानले तय गरिएको ४२ ओभरमा ७ विकेट गुमाएर २ सय ५२ रन जोड्यो । पाकिस्तानका लागि मोहम्मद रिजवानले ८६ रन तथा अब्दुल्लाह शाफिकीले ५२ रन बनाए ।

श्रीलंकाका मथिशा पाथिरानाले सर्वाधिक ३ तथा प्रमोद मादुशानले २ विकेट हात पारे ।

डिएल मेथलअनुसार श्रीलंकाले पाएको २ सय ५२ रनको लक्ष्य निर्धारित ४२ ओभरमा ८ विकेट गुमाएर भेट्टायो । श्रीलंकाका लागि कुशल मेन्डिसले सर्वाधिक ९१ रन तथा चरिथ असालान्काले ४९ रन बनाए ।

पाकिस्तानका लागि इफ्तिकार अहमदले ३ तथा शाहिन शाह अफ्रिदीले २ विकेट हात पारे ।