एसिया कप फाइनलः भारतविरुद्ध श्रीलंकाले पहिला ब्याटिङ गर्ने

काठमाडौँ- एसीसी एसिया कप क्रिकेट प्रतियोगिताको फाइनलमा श्रीलंकाले भारतविरुद्ध पहिला ब्याटिङ गर्ने भएको छ ।

श्रीलंकाको कोलम्बोस्थित आर प्रेमादासा स्टेडियममा टस जितेर श्रीलंकाले पहिला ब्याटिङ गर्ने निर्णय गरेको हो ।

---

सर्वाधिक सफल टिम भारत आठौंपटक एसिया कपको उपाधि उचाल्न चाहन्छ भने श्रीलंका सातौंपटक उपाधि जित्ने होडमा छ ।

भारत र श्रीलंका आठौंपटक एसिया कपको उपाधिका लागि भिड्दैछन् । यसअघि श्रीलंकालाई पाँचपटक पछि पार्दै भारतले उपाधि जितेको छ ।

यता श्रीलंकाले पनि तीनपटक फाइनलमा भारतलाई हराउँदै उपाधि जितेको छ ।

जारी प्रतियोगिताको सुपर फोरमा भने भारतले श्रीलंकालाई ४१ रनले हराएको थियो ।