क्यान निर्वाचन : सचिवमा पारस खड्कासँग भिड्दै प्रशान्त मल्ल

काठमाडौँ-  नेपाल क्रिकेट संघ (क्यान) को अध्यक्षमा पुनः चतुरबहादुर चन्द दोहोरिएका छन् । भावी अध्यक्षको कार्याकालका लागि हालसम्म चन्दले मात्रै मनोनयन दर्ता गरेपछि सर्वसम्मत रुपमा निर्वाचित भएर दोहोरिएका हुन् ।

त्यस्तै क्यानको उपाध्यक्षमा पनि एक जनाको मात्रै मनोनयन परेको छ । उपाध्यक्षमा हालका कोषाध्यक्ष रोशन सिंहको मनोनयन परेको हो । उनको एकल मनोनयन परेपछि निर्विरोध भएका छन् ।

---

त्यस्तै कोषाध्यक्षमा पदमबहादुर खड्का निर्विरोध भएका छन् । उनी पनि चन्दकै प्यानलका हुन् ।

त्यस्तै सचिवमा भने पारस खड्काविरूद्ध प्रशान्त विक्रम मल्लले मनोनयन दर्ता गरेका छन् । खड्का नेपाली राष्ट्रिय क्रिकेट टिमका पूर्वकप्तान हुन् भने मल्ल क्यानका पूर्वकार्यवाहक सचिव हुन् । खड्का चन्दको टिमबाट सचिवमा उठेका हुन् ।

त्यस्तै सदस्यहरूमा पनि चुनाव हुने भएको छ ।