त्रिकोणात्मक सिरिजः नेपालले यूएईविरुद्ध पहिला बलिङ गर्ने

काठमाडौँ- त्रिकोणात्मक टी-ट्वान्टी सिरिजअन्तर्गत घरेलु टोली नेपालले चौँथोँ खेलमा युनाइटेड अरब इमिरेट्स (यूएई) विरुद्ध पहिला बलिङ गर्ने भएको छ ।

मुलपानी अन्तर्राष्ट्रिय क्रिकेट मैदानमा टस जितेर नेपालले यूएईविरुद्ध पहिला बलिङ गर्ने निर्णय गरेको हो ।

---

अघिल्ला तीन खेलमा जित हात पारेको नेपालले फाइनलमा स्थान सुरक्षित गरिसकेको छ । त्यसैले आजको खेल नेपालका लागि खेलाडीको क्षमता परिक्षण गर्ने अवसर समेत हो ।

नेपालले पहिलो खेलमा यूएई तथा दोस्रो र तेस्रो खेलमा हङकङलाई पराजित गरेको थियो ।

यता पहिलो खेलमा नेपालसँग हारेको यूएईले भने दोस्रो खेलमा आइतबार हङकङलाई पराजित गरेको थियो ।