क्रिकेट विश्वकपः अफगानिस्तानसँग पाकिस्तान स्तब्ध

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत अफगानिस्तानले पाकिस्तानलाई स्तब्ध पारेको छ ।

सोमबार राति चेन्नईमा सम्पन्न खेलमा अफगानिस्तानले पाकिस्तानलाई ८ विकेटले पराजित गर्‍यो । एकदिवसीयमा अफगानिस्तानले पाकिस्तानमाथि पहिलोपटक जित हात पारेको हो ।

---

जारी विश्वकपमा यसअघि साविक विजेता इंग्ल्यान्डलाई ६९ रनले पराजित गरेको अफगानिस्तानले पाकिस्तानलाई पराजित गर्न २ सय ८३ रनको लक्ष्य ४९ ओभरमा पूरा गर्‍यो ।

पाकिस्तानको जितमा इब्राहिम जदरनले ८७, रहमत शाहले ७७, रहमानुल्लाह गुरबाजले ६५ तथा कप्तान हसमातुल्लाह शाहिदीले ४८ रन बनाए । पाकिस्तानका लागि शाहिन शाह अफ्रिदी तथा हसन अलीले एक-एक विकेट हात पारे ।

यसअघि टस जितेर पहिले ब्याटिङ गरेको पाकिस्तानले निर्धारित ५० ओभरमा ७ विकेट गुमाएर २ सय ८२ रन बनाउँदा कप्तान बाबर आजमले ७४ रन तथा अब्दुल्लाह शफिकले ५८ रन जोडे ।

अफगानिस्तानका नुर अहमदले ३ तथा नविन-उल-हकले २ विकेट हात पारे ।