नेपालले दियो यूएईलाई १६३ रनको लक्ष्य

काठमाडौँ- त्रिकोणात्मक टी-ट्वान्टी अन्तर्राष्ट्रिय सिरिजको फाइनलमा घरेलु टोली नेपालले युनाइटेड अरब इमिरेट्स (यूएई) लाई १६३ रनको लक्ष्य दिएको छ ।

त्रिवि क्रिकेट मैदानमा टस हारेर पहिले ब्याटिङ गरेको नेपालले निर्धारित २० ओभरमा ८ विकेट गुमाएर १६२ रन बनायो ।

---

नेपालका लागि कुशल भुर्तेलले २९ बलमा ६ चौका र ३ छक्काको मदतमा ५० रन बनाए । करण केसीले २३ रनको योगदान गरे ।

दिपेन्द्र सिंह ऐरीले २०, कप्तान रोहित पौडेलले १८, सोमपाल कामीले १३, सन्दीप जोराले १०, आशिफ शेखले ७, गुल्सन झाले ५ तथा कुशल मल्लले १ रन बनाए ।

यूएईका लागि र आयान अफजल खानले ३, जाहुर खान र अली नासरले समान २-२ तथा जुनैद सिद्धिकीले १ विकेट हात पारे ।