काठमाडौँ- आईसीसी टी-ट्वान्टी क्रिकेट विश्वकप एसिया क्षेत्रीय छनोटअन्तर्गत मलेसियाले नेपाललाई १६६ रनको लक्ष्य दिएको छ ।

समूह ‘ए’ अन्तर्गत कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको मलेसियाले निर्धारित २० ओभरमा ९ विकेट गुमाएर १६५ रन जोड्यो ।

---

मलेसियाका लागि सयद अजिजले ४९ बलमा ८ चौका र २ छक्काको मद्दतमा ६८ रन बनाए । जुबैदी जुल्फिकारले २४ रन जोडे ।

नेपालका लागि अविनाश बोहराले ४ तथा सन्दीप लामिछाने, गुल्सन झा र रोहित पौडेलले एक-एक विकेट हात पारे ।