क्रिकेट विश्वकपः न्यूजिल्यान्ड र दक्षिण अफ्रिकाबीच भिडन्त हुँदै

काठमाडौँ- भारतमा जारी आईसीसी एकदिवसीय क्रिकेट विश्वकपअन्तर्गत आज दक्षिण अफ्रिकाले न्यूजिल्यान्डको सामना गर्दैछ ।

दक्षिण अफ्रिका र न्यूजिल्यान्डबीचको खेल पुणेस्थित महाराष्ट्र क्रिकेट एसोसियसन स्टेडियममा नेपाली समयअनुसार दिउँसो २:१५ बजेबाट सुरु हुनेछ ।

---

जारी प्रतियोगितामा दक्षिण अफ्रिका र न्यूजिल्यान्डले समान सातौँ खेल खेल्दैछन् । यसअघिका ६ मध्ये ५ खेलमा जित हात पारेको दक्षिण अफ्रिका १० अंकसहित तालिकाको दोस्रो स्थानमा छ ।

यता ६ मध्ये ४ खेल जितेको न्यूजिल्यान्ड भने ८ अंकसहित तेस्रो स्थानमा छ । सबै ६ खेल जितेको भारत भने १२ अंकसहित शीर्ष स्थानमा छ ।

आजको खेलमा जित हात पार्दै दक्षिण अफ्रिका शीर्ष स्थानमा उक्लिन चाहन्छ भने न्यूजिल्यान्ड सेमिफाइनलको सम्भावना बलियो बनाउन चाहन्छ ।