बेन स्टोक्सले आगामी वर्षको आईपीएल नखेल्ने

काठमाडौँ- इंग्ल्यान्डको टेस्ट क्रिकेट टिमका कप्तान बेन स्टोक्सले सन् २०२४ को इन्डियन प्रिमियर लिग (आईपीएल) नखेल्ने भएका छन् ।

कार्यभार तथा ‘फिटनेस’ बीचको तालमेल मिलाउन स्टोक्सले आगामी वर्षको आईपीएल नखेल्ने जनाएको बीबीसीले उल्लेख गरेको छ ।

---

३२ वर्षीय अल-राउन्डर स्टोक्सले घुँडाको शल्यक्रिया गर्ने योजना रहेको छ ।

स्टोक्स गत सिजनको आईपीएलका लागि चेन्नई सुपर किंग्सको सबैभन्दा महंगो खेलाडी बनेका थिए । तर उनले केवल दुई खेलमात्र खेलेका थिए ।