एकदिवसीय सिरिज : बंगलादेशविरुद्ध न्यूजिल्यान्डको जित

काठमाडौँ- पाहुना टोली बंगलादेशविरुद्धको तीन खेलको एकदिवसीय क्रिकेट सिरिजको पहिलो खेलमा न्यूजिल्यान्ड विजयी भएको छ ।

डुनेडिनमा आइतबार भएको पहिलो खेलमा घरेलु टोली न्यूजिल्यान्डले बंगलादेशलाई डिएलएस मेथडअनुसार ४४ रनले पराजित गरेको हो । यससँगै न्यूजिल्यान्डले सिरिजमा १-० को अग्रता लिएको छ ।

---

वर्षाका कारण ३० ओभरमा झारिएको खेलमा डिएलएस मेथडअनुसार २ सय ४५ रनको लक्ष्य पछ्याएको बंगलादेशले निर्धारित ३० ओभरमा ९ विकेट गुमाउँदै २ सय रनमात्र बनाउन सक्यो ।

बंगलादेशका लागि अनामुल हकले सर्वाधिक ४३ रन तथा अफिफ हुसेनले ३८ रन बनाए । न्यूजिल्यान्डका लागि एडम मिल्ने, इश सोधी र जोश क्लार्सनले समान २-२ विकेट हात पारे ।

यसअघि टस हारेर पहिले ब्याटिङ गरेको न्यूजिल्यान्डले ३० ओभरमा ७ विकेट गुमाउँदै २ सय ३९ रन बनायो । न्यूजिल्यान्डका लागि विल योँगले ८४ बलमा सर्वाधिक १ सय ५ रनको योगदान गर्दा १४ चौका र ४ छक्का हिर्काए । कप्तान टम लाथमले ९२ रन जोडे ।

बंगलादेशका शोरिफुल इस्लामले सर्वाधिक २ विकेट हात पारे ।