एसीसी प्रिमियर कप क्रिकेटका लागि नेपाली टिम घोषणा

काठमाडौँ- ओमानमा अप्रिल १२ देखि २१ तारिखसम्म आयोजना हुने एसीसी प्रिमियर कप क्रिकेट प्रतियोगिताका लागि नेपालले टिमको घोषणा गरेको छ ।

एसियन क्रिकेट काउन्सिल (एसीसी) मंगलबार प्रिमियर कप खेल्ने १४ सदस्यीय नेपाली क्रिकेट टिम सार्वजनिक गरेको हो ।

---

प्रिमियर कपका लागि नेपाल समूह 'ए' मा परेको छ । यस समूहमा नेपालसँगै हङकङ, मलेसिया, कतार र साउदी अरेविया पनि रहेका छन् । समूह 'बी' मा भने आयोजक ओमानसँगै यूएई, कुवेत, बहराइन र कम्बोडिया छन् ।

समूह चरणअन्तर्गत नेपालले पहिलो खेल मलेसियासँग अप्रिल १२, दोस्रो खेल कतारसँग अप्रिल १३, तेस्रो खेल हङकङविरुद्ध अप्रिल १५ तथा चौथो खेल साउदी अरेबियासँग अप्रिल १७ मा खेल्ने तालिका रहेको छ ।

दुवै समूहका शीर्ष दुई टिम सेमिफाइनल पुग्नेछन् ।

नेपाली टिम : रोहित पौडेल (कप्तान), कुशल भुर्तेल, सन्दीप जोरा, गुल्सन झा, करण केसी, प्रतिश जिसी, विवेक यादव, अभिनास बोहरा, सोमपाल कामी, दीपेन्द्रसिंह ऐरी, ललित राजवंशी, कुशल मल्ल, आसिफ शेख र अनिल साह ।