बन्धक बनाइ फिरौती माग गर्ने तीन जना पक्राउ

मकवानपुर- बन्धक बनाएर फिरौती रकम माग गर्ने तीन जनालाई मकवानपुर प्रहरीले पक्राउ गरेको छ । उनीहरूलाई प्रहरीले हेटौंडा १० बसपार्कबाट पक्राउ गरेको हो । 

पक्राउ पर्नेमा हेटौंडा उपमहानगरपालिका-१५ का २९ वर्षीय सुरेश लामा, हेटौंडा-१२ का २१ वर्षीय समिर बल र सोही वडा बस्‍ने २८ वर्षीय अशोक लामा रहेका छन् । उनीहरूले पर्सा जिल्ला वीरंगज महानगरपालिका १९ बस्‍ने २७ वर्षीय अमनकुमार श्रीवास्तवलाई बन्धक बनाएर फिरौती माग गरेको प्रहरीले जनाएको छ । 

---

मकवानपुरको हेटौंडा १० बसपार्कस्थित ट्राभल होटल एण्ड लजमा श्रीवास्तवलाई बन्धक बनाएर राखेको जिल्ला प्रहरी कार्यालय मकवानपुरले जनाएको छ । 

श्रीवास्तवलाई जेठ २९ गते बन्धक बनाएर उनको घरमा फोन सम्पर्क गर्न लगाएर फिरौती रकम समेत माग गरेको मकवानपुर प्रहरीले बताएको छ । तर रकम कति माग गरेको भन्‍ने प्रहरीले खुलाएको छैन । 

उनीहरूलाई नियन्त्रणमा लिएर मकवानपुर जिल्ला अदालतबाट पाँच दिनको म्याद लिई अनुसन्धान कार्य भइरहेको प्रहरीले जनाएको छ ।