गोली देखाई छिमेकी तर्साउने एक जना पक्राउ

ईलाम । गोली देखाई छिमेकी तर्साउने एक जनालाई प्रहरीले पक्राउ गरेको छ । सूर्योदय नगरपालिका–९ ढोडे बस्ने ३५ वर्षीय जीवन राईलाई ७ राउण्ड गोलीसहित सोमबार प्रहरीले पक्राउ गरेको हो । 

राईले राईफलको गोली देखाई घर छरछिमेकीलाई समेत डरधम्की दिने गरेको भन्ने उजुरी परेपछि प्रहरीले उनको घरको तलासी लिएको थियो । प्रहरीले चौकी फिक्कलबाट खटिएको प्रहरीले उनको घर तलासी गर्दा सुत्ने कोठाको र्‍याकको घर्रामा लुकाई राखेको अवस्थामा उक्त गोली बरामद गरी उनलाई पक्राउ गरेको हो । 

---

घटनाका सम्बन्धमा प्रहरीले थप अनुसन्धान गरिरहेको छ ।