साढे ११ किलो चरेशसहित एक जना पक्राउ

कैलाली- बझाङ प्रहरीले साढे ११ किलो चरेशसहित एक जनालाई पक्राउ गरेको छ । बिहीबार  सु.प.प्र. ०२००१ ख १११९ नम्बरको बसमा सवार दार्चुलाको शैल्यशिखर नगरपालिका-१ बारील बस्‍ने ४३ वर्षीय बिरेन्द्रबहादुर खडायतलाई साे परिणामको चरेशसहित पक्राउ गरिएको जिल्ला प्रहरी कार्यालय बझाङका प्रमुख प्रहरी नायब उपरीक्षक (डिएसपी) ज्ञानबहादुर बिष्टले जानकारी दिए ।

चैनपुरदेखी महेन्द्रनगरतर्फ जाँदै गरेको पवनदुत यातायातको उक्त बस बित्थडचिर गाउँपालिका-८ बागथलास्थित जयपृथ्बी राजमार्गमा चेकजाँच गर्ने क्रममा खडायतलाई पक्राउ गरिएको डिएसपी बिष्टले  बताए ।

---