श्रोत नखुलेको ४९ लाख ५० हजारसहित एक जना पक्राउ

काठमाडौँ- जिल्ला प्रहरी परिसर काठमाडौंले श्रोत नखुलेको ४९ लाख ५० हजारसहित एक जनालाई पक्राउ गरेको छ ।

बुधबार साँझ काठमाडौँको कपनस्थित भृकुटी चोकमा चेक जाँच गर्ने क्रममा बा.९९ प ७२०४ नम्बरको मोटरसाइकलमा सवार गोरखा घर भई तीनचुली बस्ने धावा घ्याल्चेनको साथबाट स्रोत नखुलेको ३२ लाख फेला परेको र डेरामा खानतलासी गर्दा थप नेपाली रुपैयाँ १७ लाख ५० हजार फेला परेको प्रहरीले जनाएको छ ।

---

पक्राउ परेका धावा घ्याल्चेनले ताइवानबाट हुण्डीमार्फत उक्त रकम प्राप्त गरेको बताएको जिल्ला प्रहरी परिसर काठमाडौंका प्रवक्ता प्रहरी उपरीक्षक दिनेश राज मैनालीले जानकारी दिए ।

घटनाको थप अनुसन्धानका लागि काठमाडौँ जिल्ला अदालतबाट ५ दिनको म्याद थप अनुमति प्राप्त भएको मैनालीले बताए ।