दाउराको चिर्पट प्रहार गरी हत्या, एक पक्राउ

बाँके- दाउराको चिर्पट प्रहार गरी हत्या गरेको अभियोगमा एक पक्राउ परेका छन् । जानकी गाउँपालिका-६ पिप्रहवा बस्ने शिव लोनियाको हत्या आराेपमा​ ५१ वर्षीय सुकलाल लोनियालाई प्रहरीले पक्राउ गरेको हाे ।

 कोहलपुर नगरपालिका-७ स्थित रजगरुवा जंगलमा दाउरा काट्न गएको अवस्थामा पिप्रहवा बस्ने सुकलाल, सोही ठाउँ बस्ने ३६ वर्षीय भोजु लोनिया र २६ वर्षीय पप्पु लोनियाले निज शिवलाई दाउराको चिर्पटले प्रहार गर्दा घटनास्थलमै मृत्यु भएको भन्ने खबर प्राप्त हुनासाथ ईलाका प्रहरी कार्यालय कोहलपुर र प्रहरी चौकी गनापुरबाट खटिएको प्रहरीले घटनामा संलग्न सुकलाललाई नेपालगञ्ज उपमहानगरपालिका-१० चारबाहिनी चोकमा फेला पारी पक्राउ गरेको हो ।

---

 घटनामा संलग्न हाल फरार अन्य २ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।