लागूऔषधसहित दुई जना पक्राउ

काठमाडौँ- बाराको बाराको निजगढ नगरपालिका-८ बाट लागूऔषधसहित दुई जना पक्राउ परेका छन् । जिल्ला ट्राफिक प्रहरी कार्यालय बारा नजिकैबाट शुक्रबार उनीहरूलाई पक्राउ गरिएको प्रहरीले जनाएको छ ।

जिल्ला ट्राफिक प्रहरी कार्यालय अगाडि रहेको पूर्व-पश्चिम लोकमार्ग सडक खण्डबाट पथलैयाबाट निजगढ आउँदै गरेको प्रदेश-२-०३-०१३ प ९४४६ नम्बरको स्कुटर चेकजाँच गर्दा निजगढ नगरपालिकाका-९ ठाडोलाईका २४ वर्षीय सुजल लामा र निजगढ नगरपालिका-७ योजनाका ३९ वर्षीय सन्तबहादुर लामालाई पक्राउ गरिएको जिल्ला प्रहरी कार्यालय बाराले जनाएको छ ।

---

उनीहरूको साथबाट डाइजेपाम, फेनारागन र नेफिन गरी जम्मा २६-२६ थान बरामद गरिएको प्रहरीले जनाएको छ ।