लागूऔषधसहित एक युवती पक्राउ

काठमाडौं – हेटौडा उपमहानगरपालिका ८ का २५ वर्षीया मञ्जिल लामिछाने लागूऔषध सहित पक्राउ परेकी छन् । 

उनलाई वीरगञ्ज महानगरपालिका वडा नं. १६ भन्सार गेट अगाडिको सडकखण्डबाट डाईजेपाम–४१ एम्पुल,नुरफिन–४१ एम्पुल र फेनारगन–४१ एम्पुलसहित हित पक्राउ गरिएको हो । 

---

उनलाई प्रहरी चौकी ईनर्वाबाट खटिएको नियमित चेकिङ्ग टोलीले जाँच गर्ने क्रममा शंकास्पद रूपमा हिँडिरहेको बेला पक्राउ गरिएको जिल्ला प्रहरी कार्यालयका पर्साका प्रहरी नायव उपरीक्षक दिपक गिरीले जानकारी दिए । 

गिरीले लामिछानेलाई नियन्त्रणमा लिएको र पर्सा जिल्ला अदालतबाट लागूऔषध सम्बन्धी कसूरमा पाँच दिनको म्याद लिएर अनुसन्धान भईरहेको जानकारी दिए ।