७४ किलाे गाँजासहित दुई पक्राउ

मकवानपुर । मकवानपुर प्रहरीले हेटौंडामा ७४ किलाे गाँजा सहित २ जनालाई पक्राउ गरेकाे छ । हेटाैडा उपमहानगरपालिका वडा नम्बर १० मा पिकअप गाडीबाट ७४ किलो ७ सय ग्राम लागूऔषध गाँजासहित २ जनालाई पक्राउ गरेको जिल्ला प्रहरी कार्यालय मकवानपुरले जनाएकाे छ ।

शनिबार बिहान पूर्व-पश्चिम राजमार्ग अन्तर्गत हेटौंडा-१० राप्तीपुल नजिकबाट चितवनबाट हेटौंडा आउँदै गरेको बागमती प्रदेश ०१ ०२५ च १९४२ नम्बरको तरकारी बोक्ने गाडीबाट ७४ किलो ७ सय ग्राम लागूऔषधसहित २ जना पक्राउ परेको मकवानपुर प्रहरी प्रवक्ता टेकबहादुर कार्कीले जानकारी दिए ।

---

पक्राउ पर्नेहरुमा गाडी चालक नुवाकोट बिदुर-१३ बस्ने ३१ वर्षीय प्रकाश तामाङ,गाडीमा सवार पर्सा ठोरी-३ बर्मानगर बस्ने ३४ वर्षीया चन्द्र कुमारी श्रेष्ठ रहेका छन् । प्रहरीले उनीहरुको साथबाट नगद ३१ हजार ७ सय रुपैयाँ फेला पारेको जनाएको छ । पक्राउ परेका दुबैजनामाथि आवश्यक अनुसन्धान भइरहेको प्रहरीले जनाएको छ।