पर्सा जिल्लाबाट हुण्डी कारोबार गर्ने एक व्यक्ति पक्राउ

काठमाडौं– तीन लाख ५० हजार रकमसहित हुण्डी कारोबार गर्ने एक व्यक्ति पक्राउ परेका छन् । पर्सा जिल्ला वीरगञ्ज महानगरपालीका १२ का २७ वर्षीया सुरज पटेललाई वीरगञ्ज महानगरपालीका १६, शंकराचार्य गेट स्थित सडक खण्डबाट आइतबार पक्राउ गरिएको हो । 

प्रहरी चौकी इनर्वाबाट खटिएको नियमित चेकिङ टोलीले भारतको रक्सौलबाट वीरगञ्जतर्फ ना.५२ प २४२० नम्बरको मोटरसाईकल रोकेर चेकजाँच गर्दा रकम फेला पारिएको प्रहरी नायब उपरीक्षक दिपक गिरीले जनाए । 

---

हेलमेट भित्र लुकाइ छिपाइ राखेको श्रोत नखुलेको नेपाली चार लाख पचास हजार फेला परेको हुँदा उक्त रकम बरामद गरीे मोटरसइकल सहित नियन्त्रणमा लिइएको गिरीले जानकारी दिएका छन्  ।  अभियुक्तलाई कार्यालयमा ल्याइ बैंक तथा वित्तीय संस्था सम्बन्धी ऐन, २०७३ विरूद्वको कसूरमा अनुसन्धान अगाडि बढाइएको प्रहरीले जनाए ।