पिज्जा हाउसमा लगेर १३ वर्षीया बालिकामाथि बलात्कार

भक्तपुर– पिज्जा हाउसमा बोलाएर १३ वर्षीया बालिकामाथि बलात्कार गरेको आरोपमा एक युवक पक्राउ परेका छन् । भक्तपुर–१ दूधपाटीमा रहेको मःम एण्ड पिज्जा हाउसमा बोलाएर जबरजस्ती करणी गरेको आरोपमा युवक पक्राउ परेका हुन् ।

जिल्ला प्रहरी परिसर भक्तपुरका सूचना अधिकारी एवं डिएसपी राजु पाण्डेका अनुसार पक्राउ पर्नेमा दोलखा शैलुङ गाउँपालिका वडा नं। ७ का स्थानीयवासी हाल भक्तपुर दूधपाटी बस्ने १९ वर्षीय अशोक भन्ने अनिश भुजेल रहेका छन् । अनिल सोही पिज्जा हाउसमा काम गर्दथे ।

---

विभिन्न प्रलोभनमा पारी उक्त पिज्जा हाउसमा बोलाई जबरजस्ती करणी गरेको अभियोगमा जिल्ला प्रहरी परिसर भक्तपुरबाट खटिएको प्रहरी  टोलीले युवकलाई ललितपुर उपमहानगरपालिका वडा नं। ९ भुलढोकाबाट नियन्त्रणमा लिएको हो । उनीमाथि जबरजस्ती करणी कसुरमा थप अनुसन्धान गरिरहेको प्रहरीले जनाएको छ।