मृग मारेर ल्याउँदै गरेको अवस्थामा एकजना पक्राउ

नवलपरासी (पश्चिम)- नवलपरासीमा हरिण (मृग) मारेर ल्याउँदै गरेको अवस्थामा प्रहरीले एक जनालाई पक्राउ गरेको छ । सुस्ता गाउँपालिका ४ गोकुलनगर बस्ने ४३ वर्षीय मैनुदिन मुसलवानलाई प्रहरीले मंगलबार बिहान पक्राउ गरेकाे हाे ।

मुसलवानसहित ३ जनाले अवैध रूपमा पोथी जातको उक्त मृग मारेर ल्याउँदै गरेको अवस्थामा प्रहरी चौकी नर्सहीबाट खटिएको गस्ती प्रहरीले सुस्ता गाउँपालिका ४ तेह्र नम्बरकाे ट्रकमा मृत मृगसहित फेला पारी उनलाई पक्राउ गरेको हो । 

---

हाल फरार रहेका अन्य २ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।