श्रीमतीको हत्या गरेर फरार श्रीमान् पक्राउ

कैलाली - कैलालीमा श्रीमतीको हत्या गरेर फरार श्रीमान् पक्राउ परेका छन्। गौरीगंगा नगरपालिका वडानम्बर ५ मा श्रीमानले श्रीमतीको हत्या गरी छोरीलाई समेत घाइते बनाई फरार भएका थिए।

सोही ठाउँका शेरबहादुर नामजाली मगरले आफ्नी श्रीमती ललिता नामजाली मगरको हत्या गरी फरार रहेको आरोपमा प्रहरीले पक्राउ गरेको हो।

---

आज बिहान घटना घटाइ फरार रहेका उनलाई गाउँलेको सहयोगमा पक्राउ गरेको इलाका प्रहरी कार्यालय मालाखेतीले जनाएको छ।

छोरी लक्ष्मीको सेती प्रादेशिक अस्पतालमा उपचार भइरहेको र अवस्था गम्भीर रहेको प्रहरीले बताएको छ। घटनाको थप अनुसन्धान भइरहेको प्रहरीले बताएको छ।