बैंकिङ कसूर मुद्दाका एक जना फरार प्रतिवादी पक्राउ

काठमाडौं-बैंकिङ कसूर मुद्दाका एक जना फरार प्रतिवादीलाई प्रहरीले पक्राउ गरेको छ ।  पक्राउ पर्नेमा टोखा नगरपालिका–११ गोंगबु भण्डारी टोल बस्ने ३४ वर्षीय रोशन भण्डारी छन् । उनलाई बुधबार प्रहरीले पक्राउ गरेको हो । 

उच्च अदालत पाटनले गत असार १३ गते उनलाई बैंकिङ कसूर मुद्दामा ४ दिन कैद, ५ लाख ५० हजार रूपैयाँ जरिवाना र २२ हजार रूपैयाँ क्षतिपूर्ति शुल्क भराउने फैसला सुनाएको थियो । 

---

त्यसपछि फरार रहेका उनलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले टोखा नगरपालिका–११ गोंगबु भण्डारी टोलमा फेला पारी पक्राउ गरेको हो । 

उनलाई फैसला कार्यान्वयनका लागि जिल्ला अदालत लगनखेल ललितपुर पठाइएको छ ।