लागुऔषधसहित दुई जना पक्राउ

मकवानपुर- मकवानपुर प्रहरीले लागुऔषधसहित २ जनालाई पक्राउ गरेको छ । हेटौंडा उपमहानगरपालिका वडा नम्वर ४ गर्दोइ बस्ने ३२ वर्षीय अनिल श्रेष्ठ र २५ वर्षीय अरमान अंसारीलाई लागुऔषध कोडिवेल १२ बोतलसहित पक्राउ गरिएको हो । पूर्व–पश्चिम राजमार्ग अन्तर्गत हेटौंडा १५ बाट श्रेष्ठ र अंसारी पक्राउ परेको जिल्ला प्रहरी कार्यालय मकवानपुरले जनाएको छ ।

बिहीबार साँझ २०:१५ बजेको समयमा वीरगंजबाट हेटौंडातर्फ आउँदै गरेको ना ५७ प ३४९ नम्वरको मोटरसाइकल चेकजाँच गर्दा मोटरसाइकलको फिल्टर राख्ने स्थानमा लुकाई छिपाई ल्याएको उक्त परिमाणको लागुऔषध बरामद भएपछि निजहरूलाई पक्राउ गरिएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए । लागुऔषधसहित पक्राउ परेका श्रेष्ठ र अंसारीमाथि थप अनुसन्धान भइरहेको प्रहरीले जनाएको छ ।

---

यसैगरी, हेटौंडामा यात्रुहरूबाट तोकिएको भन्दा बढी भाडा लिने ५ जनालाई प्रहरीले पक्राउ गरेको छ । शुक्रबार हेटौंडा उपमहानगरपालिका वडा नम्वर २ पुरानो मकवानपुर रोडबाट काठमाडौँ जाने यात्रुहरूसँग तोकिएको दरभन्दा बढी भाडा लिइरहेको अवस्थामा ५ जनालाई पक्राउ गरेको मकवानपुरका प्रहरीले जनाएको छ ।

पक्राउ पर्नेहरूमा बारागढी गाउँपालिका–१ बस्ने २२ वर्षीय अनिल साह कलवार, हेटौंडा–२ मानस चोक बस्ने २२ वर्षीय रोहित थापा, हेटौंडा–४ कमलडाँडा बस्ने २० वर्षीय निकेश लामा, हेटौंडा–१० भुटनदेवी बस्ने १८ वर्षीय निशान श्रेष्ठ र सोही वडा बस्ने ३५ वर्षीय आकाश लामा रहेका छन् ।

पक्राउ परेका उनीहरूमाथि आवश्यक अनुसन्धानका साथै कानुनी प्रकृया अगाडि बढाइएको प्रहरीले जानकारी दिएको छ ।