श्रीमानको हत्या अभियोगमा एक पक्राउ

अर्घाखाँची- आफ्नै श्रीमान ७७ वर्षीय बल बहादुर सार्कीको हत्या गरेको अभियोगमा एक महिला पक्राउ परेकी छन्। छत्रदेव गाउँपालिका -१ चिदिका तुमचौर बस्ने लक्ष्मी नेपालीलाई प्रहरीले श्रीमानकाे हत्या आराेपमा पक्राउ गरेको हाे ।

बलबहादुर सार्की आफ्नै घरमा शनिबार मृत अवस्थामा फेला परेको घटनाको थप अनुसन्धान गर्न जिल्ला प्रहरी कार्यालय अर्घाखाँचीबाट खटिएको प्रहरीले उनीहरुबीच विवाद भएकाे बुझेपछि श्रीमतीमाथि श‌ंका गरिएकाे थियाे । उनीहरुबीच झै-झगडा हुँदा बल बहादुरले श्रीमतीलाई कुटपिट गरेको र सोही रिसले लक्ष्मीले आफूले कम्मरमा बाँधेको पटुका निकाली बल बहादुरको घाँटीमा पासो लगाई घरको दलिनमा झुण्डाई हत्या गरेको खुलेपश्चात उनलाई पक्राउ गरेको हो ।  

---

उनीउपर जिल्ला अदालत अर्घाखाँचीबाट सात दिन म्याद थप गरी यस सम्बन्धमा प्रहरीले आवश्यक अनुसन्धान गरिरहेको छ ।