१ महिना १५ दिन कैद सजाय पाएका व्यक्ति १४ वर्षपछि पक्राउ

सिन्धुपाल्चोक । चोरी मुद्दामा १ महिना १५ दिन कैद सजाय भई फरार रहेका अपराधी पक्राउ परेका छन् । सिन्धुपाल्चोक मेलम्ची नगरपालिका १० का दुर्गाबहादुर अधिकारीलाई फरार रहेको १४ वर्षपछि प्रहरीले पक्राउ गरेको हो ।

फैसला कार्यान्वयन अन्तर्गत सिन्धुपाल्चोक जिल्ला अदालतले २०६५ भदाैमा १ महिना १५ दिन कैद सजाय फैसला गरेको थियो । जिल्ला प्रहरी कार्यालय सिन्धुपाल्चोकका सूचना अधिकारी एवं डिएसपी शिवकुमार बुढाथोकीले अधिकारीलाई घरबाटै पक्राउ गरिएको बताए ।

---

उनलाई सिन्धुपाल्चोक जिल्ला अदालत चौतारा दाखिला गरिएकोमा कैद असुल उपरका लागि जिल्ला कारागार चौतारा चलान गरिएको उनले जानकारी दिए ।