कूटनीति

लिम्पियाधुरा, लिपुलेक र कालापानी फिर्ता गर्न कूटनीतिक प्रयास जारी छ : मन्त्री कार्की

इकागज |
असार २, २०७९ बिहिवार १६:५२ बजे

फाइल तस्बिर

काठमाडाैँ - सञ्‍चार तथा सूचना प्रविधि मन्त्री ज्ञानेन्द्रबहादुर कार्कीले नेपाली भूमि लिम्पियाधुरा, लिपुलेक र कालापानी फिर्ता गर्न कूटनीतिक प्रयास जारी रहेको बताएका छन् ।
 
बिहीबार प्रतिनिधि सभा बैठकमा विनियोजन विधेयक, २०७९ अन्तर्गत राष्ट्रिय योजना आयोगको सचिवालय, प्रधानमन्त्री तथा मन्त्रिपरिषद्को कार्यालय, राष्ट्रपतिको कार्यालय एवं उपराष्ट्रपतिको कार्यालयको विभिन्‍न शीर्षकहरुमाथिको छलफलमा उठेका प्रश्‍नहरुको प्रधानमन्त्री शेरबहादुर देउवाको तर्फबाट जवाफ दिँदै मन्त्री कार्कीले यस्तो बताएका हुन् । उनले सरकार नेपाली भूमिको रक्षा गर्न कटिबद्ध रहेको पनि जिकिर गरे ।

मन्त्री कार्कीले लिम्पियाधुरा, लिपुलेक र कालापानी नेपाली भूमि हो भन्‍ने कुरामा सरकार स्पष्ट रहेको उल्लेख गर्दै समस्या समाधानका लागि कूटनीतिक प्रयास जारी रहेको उल्लेख गरे । उनले सरकार राष्ट्रिय हीतलाई सर्वोपरी राखी सार्वभौमिक समानता, पारस्परिक लाभ र सम्मानका आधारमा सबै मित्रराष्ट्रहरुसँग सम्बन्ध बनाउन प्रतिवद्ध रहेको औंल्याए ।



Author

थप समाचार
x