जापानले नेपालका २३ अस्पताललाई दियो स्वास्थ्य सामग्री

काठमाडौँ : जापानले नेपालका २३ अस्पताललाई पोर्टेबल अल्ट्रासाउन्ड इमेज डायग्नोस्टिक सिस्टम हस्तान्तरण गरेको छ । २५ अस्पताललाई सहयोग गर्ने योजनाअनुसार हस्तान्तरण गरेको हो । बाँकी सिस्टम मंगलबार र बुधबार सञ्‍चालनमा ल्याउने नेपालका लागि जापानको राजदूतावासले विज्ञप्तिमार्फत जानकारी दिएको छ ।

हस्तान्तरण कार्यक्रममा बोल्दै जापानी राजदूत किकुता युताकाले भने, 'अन्ट्रासाउन्ट डायग्नोस्टिक सिस्टम प्रयोग गर्न सहज छन् । यसले कोभिड-१९ बिरामीको उपचारमा सहयोग पुर्‍याउनेछ ।'

गत जनवरी २७ मा जापानले २५ अस्पतालहरूलाई ब्लड ग्यास एनलाइजर अनुदानमा प्रदान गरेको थियो । जापानले आउँदो महिनामा एक सय ६० अक्सिजन कन्सन्ट्रेटर र छ एम्बुलेन्स अनुदानमा दिने तयारी गरेको छ । यी कन्सन्ट्रेटरले बिरामी सिलिन्डरबिनै अक्सिजन दिन सकिने उल्लेख छ । मुलुकका ५८ अस्पतालमा कन्सन्ट्रेटर उपलब्ध हुने उल्लेख छ ।

---