एमसीसी हाम्रा छिमेकी राष्ट्रका विरुद्ध छैन भन्ने सुनिश्चित हुनुपर्छ: माधव नेपाल
काठमाडौँ– नेपाल कम्युनिष्ट पार्टी (नेकपा) एकीकृत समाजवादीका अध्यक्ष माधवकुमार नेपालले मिलेनियम च्यालेन्ज कर्पोरेसन (एमसीसी)सँगको सम्झौताको संसदीय अनुमोदनका लागि तत्काल वातावरण नभएको बताएका छन् ।
इमेज च्यानललाई दिएको अन्तर्वार्तामा नेपालले एमसीसँगको सम्झौता नेपालका छिमेकी राष्ट्रको विरुद्ध नरहेको अमेरिकी अधिकारीहरूले प्रष्ट पार्नुपर्ने बताए । नेपालले एमसीसी विशुद्ध विकास सहायता हो भन्ने बारेमा अमेरिकी सरकारले स्पष्ट पारेपछि अनुमोदन गर्न कुनै आपत्ति नभएको बताए । उनले एमसीसीले दिन लागेको अनुदानमा हिन्द प्रशान्त रणनीति अन्तर्गत सैन्य गठबन्धनको स्वार्थ रहेको खण्डमा नेपालले उक्त सहयोग लिनु नहुने प्रष्ट पारे ।
विगतमा डोनाल्ड ट्रम्प प्रशासनको समयमा दक्षिण तथा मध्य एसियाका लागि अमेरिकी पूर्वकार्यबहाक सहायक राज्यमन्त्री एलिस वेल्स र दक्षिण तथा मध्य एसियाका लागि अमेरिकी पूर्वउपसहायक मन्त्रीडेभिड जे र्यान्जले एमसीसी हिन्द–प्रशान्त रणनीतिकै एक हिस्सा भएको भन्ने अभिव्यक्ति दिएका कारण नेपालमा यो सम्झौता विवादीत बन्दै आएको छ ।
तर नेपालले भने आफूहरूमाथि छिमेकीहरूको दबाब पनि रहेको संकेत गरेका छन् । नेपालले पाँचदलीय गठबन्धनले एमसीसीसँगको सम्झौताका बारेमा अध्ययन गर्न पूर्वप्रधानमन्त्री झलनाथ खनालको संयोजकत्वमा माओवादी केन्द्रका नेता नारायणकाजी श्रेष्ठ र सरकारका प्रवक्ता ज्ञानेन्द्रबहादुर कार्की सम्मिलित समिति गठन गरेको छ । उक्त समितिले प्रतिवेदन दिएपछि अध्ययन गरेर अघि बढ्ने नेपालले बताएका छन् ।
त्यस्तै, अध्ययन समितिका संयोजक झलनाथ खनालले आफ्नो समितिले एमसीसीसँग सम्बन्धित ६ ओटा दस्तावेज प्राप्त गर्न बाँकी रहेको र सरकारले ती दस्तावेज उपलब्ध गराएपछि अध्ययन गरेर प्रतिवेदन दिने उल्लेख गरेका छन् ।
यो पनि पढ्नुहोस्
एमसीसी सम्झौतासँग ओली, प्रचण्ड, राजावादी र बाह्य शक्तिहरूको स्वार्थ
एमसीसी सम्झौताबारे सरकारले तत्काल श्वेतपत्र जारी गर्नु राम्रो हुन्छ
के सभामुखले एमसीसी सम्झौताबारे छलफल गर्न विशेष समिति बनाउलान् ?
एमसीसी सम्झौता निर्धक्क अनुमोदन गरौं, अप्ठ्यारा केही छैनन् : ओली
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया