स्वदेश फर्किए जापानी राजदूत साइगो, नागढुंगा सुरुङको चर्चा गर्दै प्रधानमन्त्रीले गरे बिदाइ

काठमाडौं : प्रधानमन्त्री केपी शर्मा ओलीसँग नेपालका लागि जापानी राजदूत मासामिची साइगोले बुधबार प्रधानमन्त्री निवास बालुवाटारमा बिदाइ भेट गरेका छन् । राजदूत साइगो आफ्नो दुई वर्ष ९ महिनाको कार्यकाल सम्पन्‍न गरी स्वदेश फर्कन लागेका हुन् । 

भेटमा प्रधानमन्त्री ओलीले राजदूत साइगोकोको कार्यकाल सफल रहेको उल्लेख गरेका छन् । यस अवधिमा नागढुंगा सुरुङ लगायतका विभिन्‍न कार्यक्रमहरु मार्फत नेपाल र जापानबीचको मैत्री सम्बन्ध थप सदृढ बनाउन खेलेको भूमिकाका लागि धन्यवाद व्यक्त गरे । 

आगामी दिनमा यी दुई घनिष्ट मित्र देश बिच राष्ट्राध्यक्ष तथा सरकारका प्रमुख स्तरको भ्रमण आदान प्रदान हुने अपेक्षा समेत प्रधानमन्त्रीले व्यक्त गरे ।  त्यस्तै राजदूत साइगोले आफ्नो कार्यअवधि भर नेपाल सरकारबाट प्राप्त सहयोगका लागि आभार प्रकट गरेका थिए । 

---