इस्लामावादमा '७१औँ राष्ट्रिय प्रजातन्त्र दिवस' मनाइयो

काठमाडौँ : इस्लामावादस्थित नेपाली राजदूतावास '७१औँ राष्ट्रिय प्रजातन्त्र दिवस' मनाइएको छ । राजदूतावास प्राङ्गणमा एक कार्यक्रमको आयोजना गरी '७१औँ राष्ट्रिय प्रजातन्त्र दिवस' मनाइएको हो ।

कार्यक्रमको प्रारम्भ नेपालको राष्ट्रिय गानको सामूहिक गायनबाट गरी प्रजातन्त्र प्राप्तिको आन्दोलनमा वीरगति प्राप्त गर्ने ज्ञात/अज्ञात सहिदहरूप्रति एक मिनेट मौनधारण गरिएको थियो । त्यसपछि राष्ट्रपति विद्यादेवी भण्डारीले राष्ट्रिय प्रजातन्त्र दिवस २०७७ को अवसरमा दिएको शुभकामना सन्देश पढेर सुनाइएको थियो।

---

प्रजातन्त्र प्राप्तिको लामो र बलिदानपूर्ण संघर्षमा वीरगति प्राप्त गर्ने ज्ञात/अज्ञात सहिदहरूप्रति श्रद्धाञ्जली अर्पण गर्दै पाकिस्तानका लागि नेपाली राजदूत तापस अधिकारीले अमर सहिदहरुको त्याग र बलिदानबाट नेपालमा नागरिक हक र अधिकार आरम्भ भएको आजको दिन नेपाल र नेपालीको भाग्यमा एउटा नवीन सुरुवात लिएर आएको विषयमा चर्चा गरेका थिए ।