पाकिस्तानले मनायो ८१औं राष्ट्रिय दिवस

काठमाडौं : नेपालस्थित पाकिस्तानी दूतावासले ८१औं राष्ट्रिय दिवस मनाएको छ । महाराजगञ्‍जस्थित दुतावास कार्यालयमा एक समारोहमा नेपालका लागि पाकिस्तानी राजदुत साइद हैदर शाहले झण्डोतोलन गरे ।

कार्यक्रममा पाकिस्तानी राष्ट्रपति र प्रधानमन्त्रीले राष्ट्रिय दिवसका अवसरमा दिएको शुभकामना सन्देश पढेर सुनाइएको थियो । कार्यक्रममा पाकिस्तानी दुतावासका अधिकारी, काठमाडौंमा रहेर विभिन्‍न पेशमा संलग्न पाकिस्तानी नागरिकहरूको उपस्थिति रहेको पाकिस्तानी दुतावासले जारी गरेको विज्ञप्तिमा उल्लेख छ ।
 

---