काठमाडौं – काठमाडौं–मर्स्याङ्दी २२० केभी प्रसारण लाइन आयोजनामा स्थानीयको विरोध मत्थर भएपछि दुई वर्षदेखि अड्केको दुईवटा टावर गाड्ने काम पूरा भएको छ । अब यो लाइनमा हाललाई १३२ केभीमा चार्ज गर्ने तयारी विद्युत् प्राधिकरणले गरेको छ । 

मर्स्याङ्दीदेखि काठमाडौंको मातातीर्थसम्म कूल दुई य ३१ टावरमध्ये धादिङको सिद्धलेक गाउँपालिका वडा नं. ७ वुङचुङस्थित पिपलटारमा स्थानीयले दुईवटा टावर विगत दुई वर्षदेखि गाड्न दिएका थिएनन् ।

---

प्राधिकरणको आयोजना कार्यान्वयन निर्देशनालयका प्रमुख तारा प्रधानका अनुसार दुई साताअघि ती बाँकी रहेका दुईवटा टावर ठड्याउने काम पूरा भएको छ । स्थानीय वासिन्दाका केही मागलाई सम्बोधन गरेपछि उनीहरु सहमत भएको वडा अध्यक्ष लक्ष्मण खतिवडाले सोमबार टेलिफोनमा इकागजलाई बताए । ‘स्थानीय सडक निर्माण, क्षतिपूर्ति र दोहो¥याएर नापजाँच गर्न आयोजना सहमति भएपछि स्थानीय वासिन्दा पनि राजी भए’ खतिवडाले भने ।

निर्देशनालय प्रमुख प्रधानले अबको एक दिनमा यो लाइनमा हाललाई १३२ केभीमा चार्ज गरिने बताए । मातातीर्थ र मार्कीचोकमा १३२÷२२० केभीका सवस्टेशन निर्माणको काम पूरा नभएकाले १३२ केभीमौ चार्ज गरेर मर्स्याङ्दी कोरिडरबाट २०० मेगावाटसम्म बिजुली सिधै काठमाडौं ल्याउन सकिने प्रधानले बताए ।  मर्स्याङ्दीमा प्राधिकरणले २ वटा नयाँ टावर बनाउँदैछ । यसका लागि प्राधिकरणले साविककै टाटा प्रोजेक्टलाई बनाउन जिम्मा दिएको छ । त्यो टावर खडा भइसकेपछि तनहुँको मार्कीचोकबाट मातातीर्थसम्म विद्युत् ल्याउन (१३२ केभीमा) सहज हुनेछ ।

‘मातातीर्थस्थित माथिल्लो त्रिशुली ‘थ्री ए’ ले बनाएको १३२ केभीको सर्किटमा लगेर जोड्नेछौं’ प्रधानले इकागजसँग भने, ‘सब स्टेशनहरु पूरा भएपछि पुनः २२० केभीमै चार्ज हुनेछ, यसपछि यो लाइनले ८ सय मेगावाटसम्मको विद्युत् प्रसारण गर्न सक्छ ।’ पुरानो मर्स्याङ्दीदेखि काठमाडौंको स्यूचाटारस्थित भार प्रेषण केन्द्रसम्म साविकको १३२ केभी प्रसारण लाइन पनि रहेकाले मर्स्याङ्दी कोरिडरको विद्युत् काठमाडौं ल्याउन अब समस्या नपर्ने प्रधानको भनाइ छ । 

प्रसारण लाइनतर्फको ठेक्काको सम्झौता सन् २०१६ को जूनमा भारतीय कम्पनी टाटा प्रोजेक्टसित भएको हो । प्रसारण लाइनको लागत दुई अर्ब २० करोड रुपैयाँ अनुमानित थियो । त्यसैगरी तनहुँको आँबुखैरेनीस्थित मार्कीचोक र काठमाडौंको मातातीर्थमा निर्माण हुने ३२० एमभीएको सवस्टेशनको लागित दुई अर्ब १० करोड रुपैयाँमा चीनको सेनजेन फाराड इलेक्ट्रिकसँग सवस्टेशनको सम्झौता भएको थियो । चिनियाँ कम्पनीले काम गर्न नसकेपछि उसको ठेक्का तोडेर प्राधिकरणले नयाँ प्रतिस्पर्धा गराएको थियो ।

यो प्रसारण लाइन निर्माण सम्पन्न नहुँदा  माथिल्लो तामाकोसीको बिजुली भरतपुर हुँदै अन्यत्र प्रवाह गर्न सकिंदैन । मर्स्याङ्दी कोरिडरमा निर्माण भइरहेका र विद्यमान आयोजना मार्कीचोकबाट काठमाडौं र भरतपुर प्रसारण गर्न सकिन्छ ।

र यो पनि
स्थानीयको विरोध मत्थर, ६ महिनामा पूरा हुने अनुमान

बाँकी २ वटा टावर अब साविककै रुटमा बन्‍ने