गौतमश्रीका अध्यक्षले भने - वचतकर्ताको रकम खाएर भागेको छैन

काठमाडौँ - काठमाडौँ महानगरपालिका १४ कुलेश्वरमा रहेको गौतम श्री बहुउद्देश्यीय सहकारीका अध्यक्ष राम बहादुर गौतमले सहकारीका बारे विभिन्न सञ्चार माध्यममा आएका समाचारहरु र त्यसबाट पर्न गएको भ्रम तथा उत्पन्न परिस्थितिका बारमा आफ्नो गम्भीर ध्यानाकर्षण भएको जनाएका छन् । 

उनले आफू बाहिर (जापान) गएको समयमा आफ्नो मोबाइल नम्बर नलागेकोकाले केही व्यक्तिहरूले त्यसैलाई आधार मानेर सञ्चालक बचतकर्ता र शेयर सदस्यहरूको रकम खाएर भागेको भन्ने समाचारहरू आएकोमा त्यसमा कुनै सत्यता नभएको स्पष्ट पारेका छन् । 

---

आज एक प्रेस विज्ञप्ति जारी गर्दै गौतमले वचतकर्ताको रकम खाएर नभाग्ने र नभागेको स्पष्ट पार्दै नेपाल आएर सहकारीको समस्या समाधानमा लागिसकेको जानकारी गराएका छन् । दुई वर्षसम्म भएको कोभिड महामारीका कारण संस्थामा केही समस्या आएपनि संस्था नियमित सञ्चालनमा रहेको र बजतकर्ताको रकम फिर्ताका लागि तयार रहेको उनले बताए । 

केही दिनअघि विभिन्न सञ्चारमाध्यममा सहकारीका अध्यक्ष रामबहादुर गौतम र महाप्रबन्धक रवीन्द्र बिष्ट लगायत सञ्‍चालक व्यवस्थापक फरार भएको भन्ने समाचार आएको थियो । 

 

प्रेस विज्ञप्ति

काठमाडौं जिल्ला काठमाडौं महानगरपालिका वडा नं १४ कुलेश्वरमा रहेको र सहकारी विभागमा दर्ता कायम भई नियमित सञ्चालनमा रहेकी गौतम श्री बहुउद्देशीय सहकारी संस्था लिमिटेडका विषयमा विभिन्न सञ्चार माध्यममा आएका समाचारहरु र त्यसबाट पर्न गएको भ्रम तथा उत्पन्न परिस्थितिका बारमा हाम्रो गम्भीर ध्यानाकर्षण भएको छ। यसका कारण सहकारीका सम्पूर्ण शेयर सदस्य, बचतकर्ता महानुभावहरु र अन्य सरोकारवाला पक्षहरुमा पर्न गएको भ्रम र असुविधाको लागी म क्षमाप्रार्थी छु । यस विषयमा यथार्थ सार्वजनीक गर्न तथा थप स्पष्ट पार्नको लागि यो विज्ञप्ति जारी गरिएको छ ।

१. सर्वप्रथम म सहकारी संस्थाकी अध्यक्ष राम बहादुर गौतम अन्य कम्पनीको काम विशेषले नेपाल बाहिर गएको र मेरा मोबाइल सम्पर्क नभएको अवस्थामा त्यसैलाई आधार बनाई म सहकारीको वचतकतांको रकम खाएर भागेको भन्ने समाचार सार्वजनीक गरिएकोमा म वचतकर्ताको रकम खाएर नभाग्ने र नमागेको स्पष्ट पार्न चाहन्छु । म नेपाल आएर सहकारीको समस्या समाधानमा लागिसकेको जानकारी गराउदछ ।

२. सहकारी नियमित सञ्चालनमा रहेको अवस्थामा विश्वव्यापी काभीड महामारीको कारणले नेपालमा करिव २ वर्ष जारी रहेको लकड़ाउनले पारेको समस्याका कारण सहकारीबाट प्रवाह गरेको कतिपय कर्जा समयमा अमली हुन नसकेको भएतापनि हामीले बचतकर्ताहरुको रकम नियमित रुपमा फिर्ता गरिरहेको संस्था नियमित सञ्चालनमै रहेको थियो । तर अप्रत्याशीत रुपमा केही संचामाध्यममा सहकारी समस्यामा रहेको भन्ने भ्रमात्मक समाचार सार्वजनीक भएपछि बचतकर्ताहरुमा त्रास पैदा हुनु स्वभाविक नै हो । संस्थासँग सम्बन्धीत केही कुत्सीत मानसिकता भएका व्यक्तिले फैलाएको सो भ्रमपश्चात सहकारीमा बचतकर्ताहरुको भिड लगाउने र विभागमा तथा प्रहरी प्रशासनमा समेत उजुरी गरी मेरो व्यक्तिगत र पारिवारीक सदस्यहरुलाई भौतिक आक्रमण गर्ने, अपहरण गर्ने, कर्मचारीहरुलाई समेत आक्रमण गर्ने लगायतका धम्की आइरहेको सन्दर्भमा सुरक्षाको प्रत्याभूति हुने वित्तिकै कार्यालय नियमित सञ्चालन गर्ने र बचतकर्ताहरुको रकम नियमित रूपमा फिर्ता गर्ने प्रतिबद्धता व्यक्त गर्दछु ।

• लोभले डुबायो गौतमश्री सहकारीका बचतकर्तालाई