फराकिलो अन्तरले खस्कियो सेयर बजार
६३ अंकले खस्कियो नेप्से, कारोबार ११ अर्बमा खुम्चियो
काठमाडौँ : सेयर बजार मापन गर्ने नेप्से परिसूचक ६३.२८ अंकले खस्किएको छ । दुई दशमलव १३ प्रतिशतले घटेर नेप्से परिसूचक २९०५.१४ बिन्दुमा झरेको हो ।
कारोबारमा आएका सबै समूहका परिसूचक कमजोर छ । धितोपत्र बोर्डले जोखिमयुक्त कम्पनीको सूची सार्वजनिक गरेयता नेप्सेमा लगातार खस्किदै गएको छ । आइतबारको कारोबारमा सबैभन्दा ठूलो गिरावट जलविद्युत् र फाइनान्स समूहमा देखिएको छ । बैंकिङ समूहको परिसूचक एक दशमलव आठ प्रतिशतले घटेको छ ।
सबैभन्दा ठूलो गरिवाट युनियन हाइड्रोपावर लिमिटेडको सेयर मूल्यमा आएको छ । नौ दशमलव ८१ प्रतिशतले घटेर यो कम्पनीको सेयर मूल्य तीन सय ८६ रुपैयाँमा कारोबार भएको छ । एक लाख २८ हजार दुई सय ८१ पटकको कारोबारमा दुई करोड ७३ लाख कित्ता सेयर किनबेच भएको छ ।
नेपाल पुनर्बीमा कम्पनीको ८० करोड २९ लाख रुपैयाँ सेयर कारोबार भएको छ ।
Author
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया