तोलामा कतिले बढ्यो सुनको मूल्य, कतिमा हुँदैछ कारोबार?

काठमाडौँ- नेपाली सुनचाँदी बजारमा बिहीबार सुनको मूल्य तोलामा ८ सय रूपैयाँले बढेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ८ सय रूपैयाँले बढेर १ लाख ४४ हजार ९ सय रुपैयाँ कायम भएको हो।

यस्तै, आज तेजावी सुनको मूल्य तोलाको १ लाख ४४ हजार २ सय रुपैयाँ निर्धारण भएको छ। यसअघि, बुधबार छापावाल सुन १ लाख ४४ हजार १ सय रुपैयाँ कायम रहेको थियो।

---

यसैगरी, तेजावी सुनको भाउ तोलाको १ लाख ४३ हजार ४ सय रुपैयाँ निर्धारण भएको थियो। बिहीबार चाँदीको भाउ भने प्रतितोला १५ रूपैयाँले बढेर १८ सय ८५ रुपैयाँ कायम भएको छ ।

बुधबार चाँदीको भाउ प्रतितोला १८ सय ७० रुपैयाँ कायम कायम रहेको थियो ।