क्लासिक्स प्रोजेक्ट्सद्वारा श्रावण मेला २०८१ सम्पन्‍न

काठमाडौँ- ‘क्लासिक्स प्रोजेक्टस प्रालिले होटेल अन्नपूर्णको प्याभिलियनमा ‘श्रावन मेला २०८१’ को आयोजना गरेको थियो । साउन महिनाको सांस्कृतिक तथा आध्यात्मिक महत्त्वलाई झल्काउँदै साउन १८ र १९ गते मेलाको आयोजना गरिएको हो । 

दुई हजारभन्दा बढी मानिसहरूको उपस्थितिको साथ, कार्यक्रममा विभिन्न समुदायका महिलाहरू र पुरुषहरूलाई एकै मञ्चमा ल्याउने उद्देश्यले सो कार्यक्रमको आयोजना गरिएको थियो । 

---

मेलामा शाकाहारी भोजन स्टलहरू राखेका थिए, स्थलमा ‘शिव लिंग’ राखिएको थियो । दुईदिने कार्यक्रममा पूर्व मिस नेपाल, मिस इशानी श्रेष्ठले उद्घाटन गरे र कार्यक्रमलाई खुश्बु  प्रधानले प्रस्तुत गरेका थिए ।

जसमा विभिन्न सेलेब्रिटी र सामाजिक मिडिया इन्फ्लुएन्सरहरूको पनि सहभागिता थियो । श्रावण मेलामा नेपाली संस्कृति, परम्परा, र आध्यात्मिकताको सारलाई सुन्दर रूपमा प्रस्तुत गरिएको थियो । 

साथै मेलामा खानेकुरा, खेल, लुगा, कस्मेटिक्स्, डिजिटल कार्ड, गहना, स्किन केयरलगायतका ३६ भन्दा बढी स्टलहरू सेटअप गरिएका थिए ।

क्लासिक्स प्रोजेक्ट्स नेपालमा आधारित एक इभेन्ट म्यानेजमेन्ट कम्पनी हो, जसले आफ्ना ग्राहकहरूको आवश्यकताका अनुसार विशिष्ट इभेन्ट अनुभवहरू प्रदान गर्न समर्पित छ । व्यावसायिकता, सिर्जनशीलता, र ग्राहक सन्तोषप्रतिको दृढ प्रतिबद्धतासँग, क्लासिक्स प्रोजेक्ट्सले देशभरका विभिन्न इभेन्टहरूको आयोजना गर्न विश्वसनीय साझेदारको रूपमा आफ्नो स्थान स्थापित गरेको छ ।

कम्पनीको टोलीमा इभेन्ट योजना, व्यवस्थापन, र कार्यान्वयनमा व्यापक अनुभव भएका समर्पित व्यक्तिहरू समावेश छन्, जसले प्रत्येक पटक निर्बाध र सफल इभेन्टहरू सुनिश्चित गर्दछ ।