माथिल्लो तामाकोसीको दोस्रो युनिटबाट बिजुली उत्पादन सुरु

काठमाडौं : माथिल्लो तामाकोसीको दोस्रो युनिटबाट आज मंगलबारदेखि बिजुली उत्पादन सुरु गरिएको छ । ४५६ मेगावाटको माथिल्लो तामाकोसीमा ७६ मेगावाटका ६ वटा युनिट छन् । पहिलो युनिटबाट गत असार २१ गते तत्कालीन प्रधानमन्त्री केपी ओलीले गरेका थिए ।

अप्पर तामाकोसी हाइड्रोपावर कम्पनीका प्रमुख कार्यकारी अधिृकत विज्ञानप्रसाद श्रेष्ठले दोस्रो युनिटबाट बिजुली उत्पादन (सिंक्रोनाइज) गरिएको जानकारी दिए । तामाकोसीबाट उत्पादित बिजुली न्यू खिम्ती सवस्टेशन प्रसारण गरिएको छ । खिम्तीबाट २२० केभीको प्रसारण लाइनमार्फत ढल्केबर पुर्‍याएको छ । 

---

आयोजनाले एक, एक युनिट ‘सिंक्रोनाइज’ (प्रणालीमा जोड्ने) गर्दै लैजाने जनाएको छ । एउटा युनिट सिंक्रोनाइज गरेपछि दुई चार दिनपछि अर्को युनिट थालिने श्रेष्ठले बताए । ‘विश्व कर्मा पूजा अघिसम्म सबै युनिट सञ्चालनमा आई पूर्ण रुपमा व्यापारिक उत्पादन हुनेछ,’ श्रेष्ठले मंगलबार इकागजसँग भने ।