समुदायमा कोरोनाबारे चेतना ल्याउन लघुवित्तकर्मीलाई प्रशिक्षण तालिम

काठमाडौँ – कोरोना महामारीमा लघुवित्त सदस्य तथा अन्य समुदायलाई कसरी सुरक्षीत राख्ने भन्ने विषयमा प्रशिक्षक तालिम आयोजना भएको छ । अपरच्यूनिटी इन्टरनेशनल अष्ट्रेलियाको सहयोगमा स्वावलम्बन विकास केन्द्र र आरएमडीसी लघुवित्तले नेपालमा पहिलो पटक आइतबार आयोजना गरेको उक्त तालिमको स्रोतव्यक्ति भारतका डा. डि. एस. के राव, डा. सौमित्रा दत्ता र आलोक चक्रवर्तीका साथै कार्यक्रम सहजीकरणमा अपरच्यूनिटी इन्टरनेशनल अष्ट्रेलियाका अनि वाङ रहेका थिए । उक्त तालिम २५ वटा लघुवित्त संस्थाका २५ जना कर्मचारीहरूले प्रशिक्षक तालिम लिएको स्वाबलम्बन विकास केन्द्रले जनाएको छ । 

यो तालिमले लघुवित्तकर्मी मार्फत कोरोना महामारीवाट बच्ने उपायहरु समुदाय सम्म पुर्‍याउने लक्ष्य राखेको आयोजक संस्थाले जनाएको छ । यस तालिमबाट दिक्षित भएका २५ जना मध्ये हरेकले आ–आफ्नो लघुवित्त संस्थाका २५ देखि ३० जना शाखा प्रबन्धकहरुलाई यस्तो तालिम दिने बताइएको छ । ‘यसैगरी शाखा प्रबन्धकहरुले पनि आफ्नो शाखा अन्तरगतका ५ देखि ७ जना कर्मचारीहरुलाई यस्तो तालिम दिनेछन्,’ स्वाबलम्बन विकास केन्द्रले भनेको छ, ‘तालिममा प्रशिक्षित फिल्ड कर्मचारीहरुले १० वटा केन्द्रका प्रमुख तथा सदस्यहरु र ती सदस्यहरुले आफ्ना ५ जना लाई छिमेकीलाई यस्तो तालिम दिएर उनीहरु मार्फत समुदायमा करिब २५लाखमा वाँच्ने र बचाउने चेतना वाँड्न सहयोग पुग्नेछ ।’ 

---

तालिम आयोजनाबारे आफ्नो धारणा राख्दै स्वावलम्बन विकास केन्द्रका अध्यक्ष शंकरमान श्रेष्ठले सहभागी प्रशिक्षार्थीहरुलाई एक हप्ता भित्र आफ्नो संस्थाका शाखा प्रबन्धकहरुको लागि तालिम आयोजना गर्न सुझाव दिए ।

‘तपाईहरुले समयमै तालिम सम्पन्न गर्नु भयो भने कोभिड १९को कारण हुने घटना कम गर्न निकै ठुलो सहयोग पुग्नेछ । फेरी कोरोनाको महामारी वढी रहेको छ । अहिले पनि धेरै मानिस कोरोनाबाट बच्ने उपायबारे जानकार छैनन् । खोप उपलब्ध भएर पनि लाउन हेलचेक्रयाइ गरीरहेका छन्,’ उनले भने ‘तालिम पछि कुनै पनि लघुवित्त सदस्यले कोरोनाको कारण ज्यान गुमाउनु नपरोस । त्यसैले यसमा भएको प्रगतिबारे अनुगमन पनि गरौँ ।’ 

त्यस्तै, आरएमडीसी लघुवित्त वित्तीय संस्थाका प्रमुख कार्यकारी अधिकृत ज्योति चन्द्र ओझाले लघुवित्त क्षेत्रको लिडरको रुपमा पहिलो चरणमा २५ जनालाई छनौट गरेको र उनीहरूले तालिममा सिकेको ज्ञान र सीपलाई तल्लो तहमा हस्तान्तरण गरी कोरोना महामारीबारे बच्न समुदाय सम्म चेतना फैलाउन योगदान पु¥याउने अपेक्षा राखेका थिए ।