काठमाडौं : कृषि तथा पशुपंक्षी विकास मन्त्री घनश्याम भुषालले मुलुकमा मल भित्रिसक्ने भनेर तोकेको समयमा बल्ल बंगलादेशसँग सरकारी तहमा मल खरिद गर्न सम्झौता भएको छ । ढाकास्थित नेपाल दूतावासको संयोजनमा कृषि सामग्री कम्पनी लिमिटेड र बंगलादेश केमिकल इन्डष्ट्रिज कर्पोरेसनबीच आज सम्झौता भएको बंगलादेशका लागि नेपाली राजदूत वंशीधर मिश्रले जानकारी दिए । 

बंगलादेशसँग नेपालले ५० हजार टन युरिया मल खरिद गर्न लागेको हो । 

---

बंगलादेशको उद्योग मन्त्रालयमा दुई देशका सरकारी कम्पनीबीच युरिया मल आपूर्ति र खरिद सम्बन्धि सम्झौता भएको हो । नेपालमा मल खरिदको ठेक्का पाएका कम्पनीले कोभिड–१९ को कारण देखाउँदै समयमा मल आपूर्ति गर्न नसकेपछि प्रधानमन्त्री केपी शर्मा ओलीले भदौको मध्यतिर बंगलादेशसँग रासायनिक मल पैंचो मागेका थिए । सुरुवातमा प्रधानमन्त्री तहको वार्तामा सकारात्मक छलफल भएपनि बंगलादेशमा मल पैंचो दिने कानुन नभएकाले समस्या भएको थियो । यसपछि नेपालले सरकारी तहमा खरिद गरेरै ल्याउने पहल अघि बढाएको थियो । 

मन्त्री भुषाले मंसीरको दोस्रो सातासम्म बंगलादेशबाट मल खरिद गरेर नेपाल ल्याइसक्ने उल्लेख गरेका थिए । 

यो पनि,

बंगलादेशसँग सरकारी तहमै मल खरिद गरिने