मुक्तिनाथ क्यापिटलको विशेष साधारण सभा सम्पन्‍न

काठमाडौँ- मुक्तिनाथ क्यापिटल लिमिटेडले विशेष साधारण सभा सम्पन्न  गरेको छ । आज क्यापिटलका अध्यक्ष सीताराम काफ्लेको अध्यक्षतामा साधारण सभा सम्पन्न भएको हो ।

सम्पन्न भएको विशेष साधारण सभाले प्रस्तावित १:१ को अनुपातमा हकप्रद सेयर निष्काशन गर्ने प्रस्ताव सर्वसम्मतिले पारित गरेको छ । हकप्रद सेयर निष्काशन गरे पश्चात क्यापिटलको पूँजी वृद्धि भई ४०.५० करोड पुग्‍ने क्यापिटलले जनाएको छ ।

---

क्यापिटल नेपाल धितोपत्र बोर्डबाट अनुमति प्राप्त गरी निष्काशन तथा बिक्री प्रबन्ध, सेयर रजिष्ट्रेशन, लगानी व्यवस्थापन, निक्षेप सदस्य तथा प्रत्याभुतिकर्ता सम्बन्धी सेवाहरु प्रदान गर्दै आइरहेको छ ।

कम्पनीले यस आर्थिक वर्ष देखि संस्थागत परामर्शदाता अन्तर्गतका सेवाहरु समेत संचालन गर्ने योजना रहेको जनाएको छ । त्यसैगरी यसै आर्थिक वर्ष भित्र मुक्तिनाथ विकास बैंक लिमिटेड कोष प्रबद्र्धक तथा मुक्तिनाथ क्यापिटल योजना व्यवस्थापक रहने गरी सामूहिक लगानी कोष संचालन गर्ने योजना समेत रहेको छ ।