दुगडको स्वस्तिक आयल उत्कृष्ट निर्यात कम्पनी

काठमाडौँ - स्वस्तिक आयल इण्डष्ट्रिज आर्थिक वर्ष २०७७/७८ मा सर्वाधिक निर्यात गरेकोमा सम्मानित भएको छ । केएल दुगड समूह अन्तर्गतको स्वस्तिक आयल इण्डष्ट्रिजलाई मोरङ सुनसरी औद्योगिक कोरिडोरबाट सर्वाधिक निर्यात गरी मुलुकको व्यापार घाटा न्युनीकरण एवम् अर्थतन्त्रमा महत्वपूर्ण योगदान गरेकोमा सम्मान गरेको हो ।

संघको ६५ औं वार्षिक साधारणसभाको समुदघाटन समारोहको अवसरमा अर्थमन्त्री जनार्दन शर्माले स्वस्तिक आयल इण्डष्ट्रिज प्रा.लि.का संचालक विकास दुगडलाई उक्त सम्मान प्रदान गरेका छन् ।

---

स्वस्तिक आयल इण्डष्ट्रिजले स्वस्तिक सोयाबिन तेल, धारा हेल्थ सनफ्लावार तेल, सनफ्लो सनफ्लावार तेल जस्ता गुणस्तरीय तथा लोकप्रिय तेलहरु उत्पादन गरि बिक्रि–वितरण गर्दै आईरहेको छ ।