८ सयमा भायनेटको ७५ एमबिपिएस इन्टरनेट, साथमा ४८ जीबी एनसेल डेटा

काठमाडौँ-  अंग्रेजी नयाँ वर्षको अवसरमा भायनेटले नयाँ योजना सार्वजनिक गरेको छ । भायानेटले एनसेलको सहकार्यमा आफ्ना ग्राहकका लागि ‘मिनी प्याक’ अफर ल्याएको हो । यो अफरअन्तर्गत प्रयोगकर्ताले प्रतिमहिना ८०० रुपैयाँमा ७५ एमबीपीएसको इन्टरनेट जडान गर्न सक्नेछन् भने साथमा एनसेलको ४८ जीबी डेटा प्राप्त गर्ने जनाएको छ ।

यो इन्टरनेट प्याक खरिद गर्दा प्रयोगकर्ताले एनसेलको ४८ जीबी मोबाइल डेटा भएको सिम निःशुल्क प्राप्त गर्न सक्नेछन् । भायानेटले यो अफर आजदेखि लागू गरेर केही सीमित समयसम्म मात्र उपलब्ध हुने जनाएको छ ।

---

प्रयोगकर्ताले सो मोबाइल डेटा प्रतिमहिना ४ जीबीको दरले प्रयोग गर्न सक्नेछन् । योसँगै भायानेटको मोबाइल एप प्रयोग गर्दा डेटा प्रयोग गर्नुपर्ने छैन भने एनसेल नम्बरबाट भायानेटको कल सेन्टरमा निःशुल्क कल गर्न सकिनेछ । त्यसैगरी प्रतिमहिना एनसेलबाट एनसेलमा ५० वटा एसएमएस निःशुल्क गर्न सकिनेछ ।