उत्कृष्ट काम गर्ने संस्था तथा व्यक्तिलाई 'एचआरएम नेपाल अवार्ड'

काठमाडौँ - ग्रोथ सेलर्सको भगिनी संस्था कर्पोरट क्लबले निजी क्षेत्रमा उत्कृट कार्य गर्ने व्यक्ति र संस्थालाई सम्मान गरेको छ। निजी क्षेत्रमा अब्बल काम गर्ने व्यक्ति र संस्थालाई छनोट गरी विभिन्न १९ विधामा पुरस्कार वितरण गरिएको हो।

काठमाडौंको सोल्टी होटलमा आयोजित सम्मान समारोहको प्रधानमन्त्री शेरबहादुर देउवाले उद्घाटन गरेका हुन्। नेपालको निजी क्षेत्रमा उत्कृट कार्य गर्दै मुलकको समग्र आर्थिक तथा सामाजिक विकासमा उल्लेखनीय योजदान गर्ने संस्था तथा व्यक्तिको सम्मानका लागि कार्यक्रमको आयोजना गरिएको ग्रोथ सेलर्सले जनाएको छ।

---

अवार्ड प्राप्त गर्नेमा किरण शूज, मुक्तिनाथ विकास बैंक, शिखर इन्स्योरेन्स, डिस मिडिया नेटवर्क, सोल्टी होटेल, तिलगंगा आँखा अस्पताल,  क्वेस्ट फर्मास्यूटिकल्स,  एशियन पेन्ट्स,  बुटवल पावर, निम्बस होल्डिङस, इसेवा, सस्तो डिल,टिच फर नेपाललाई सन् २०२१ को द एचआरएम अवार्ड फर कर्पोरेट एक्सिलेन्स प्रदान गरिएको जनाएको छ।

त्यस्तै व्यक्तितर्फ अनुपमा खुन्जेली, हरिभक्त शर्मा, गणेश बहादुर श्रेष्ठ, सन्दुक रुइत र भगवान कोइरालालाई समेत अवार्ड प्रदान गरेको जनाएको छ ।