लिभरपुलले डच फरवार्ड कोडी भित्र्याउँदै

काठमाडौँ- इंग्लिस प्रिमियर लिग क्लब लिभरपुलले नेदरल्यान्ड्सका फरवार्ड कोडी गाक्पोलाई भित्र्याउने भएको छ । लिभरपुलले कोडीलाई नेदरल्यान्ड्सको फुटबल क्लब पीएसभी एन्डहोभेनबाट भित्र्याउन लागेको रोयटर्सले जनाएको छ ।

कतारमा सम्पन्न विश्वकपमा २३ वर्षीय कोडीले नेदरल्यान्ड्सका लागि ३ गोल गरेका थिए । नेदरल्यान्ड्स भने विश्वकप विजेता अर्जेन्टिनाविरुद्धको क्वार्टरफाइनल खेलमा पराजित भएको थियो ।

---

लिभरपुलले कोडीलाई करिब ५० मिलियन युरोमा भित्र्याउन लागेको बेलायती संचारमाध्यमहरुले जनाएका छन् ।