प्रिमियर लिगः युनाइटेड र चेल्सी विजयी

काठमाडौँ- इंग्लिस प्रिमियर लिग अन्तर्गत म्यानचेस्टर युनाइटेड र चेल्सीले जित हात पारेका छन् । मंगलबार राति भएको खेलमा युनाइटेडले नटिङघम फरेस्टलाई ३-० गोल अन्तरले पराजित गर्‍यो ।

युनाइटेडको जितमा मार्कस रासफोर्ड, एन्टोनी मार्सल र फ्रेडले एक-एक गोल गरे । रासफोर्डले १९ औँ मिनेटमा गोल गर्दै युनाइटेडलाई अग्रता दिलाए भने मार्सलले २२ औँ मिनेट तथा फ्रेडले ८७ औँ मिनेटमा गोल गर्दै सहज जित दिलाए ।

---

यता चेल्सीले भने वर्नबाउथमाथि २-० को जित हात पारेको छ । चेल्सीको जितमा काइ हाभर्ज र मासन माउन्टले एक-एक गोल गरे । हाभर्जले १६ औँ तथा माउन्टले २४ औँ मिनेटमा गोल गरे ।

जितसँगै युनाइटेडले १५ खेलबाट २९ अंक जोडेको छ र ऊ पाँचौ स्थानमा छ । यता १५ खेलबाट २४ अंक जोडेको चेल्सी आठौं स्थानमा उक्लिएको छ ।

१६ खेलबाट १३ अंक जोडेको फरेस्ट १९ औँ तथा १६ खेलबाट १६ अंक जोडेको वर्नमाउथ १६ औँ स्थानमा छ ।