फाएजको दुई आत्मघाती गोलमा लिभरपुल विजयी

काठमाडौँ- ओट फाएजले दुई वटा आत्मघाती गोल गरेपछि इंग्लिस प्रिमियर लिग फुटबल अन्तर्गत लिभरपुलले लेस्टर सिटीलाई पराजित गरेको छ । 

लिभरपुलले लेस्टरलाई २-१ गोल अन्तरले पराजित गर्‍यो । डेसबरी-हलले खेलको चौथों मिनेटमै गोल गर्दै लेस्टरलाई अग्रता दिलाएका थिए ।

---

तर लेस्टरका फाएजले ३८ औँ तथा ४५ औँ मिनेटमा दुई आत्मघाती गोल गरेपछि लिभरपुलले महत्वपूर्ण ३ अंक जोड्यो ।

महत्वपूर्ण जित हात पारेको लिभरपुल १६ खेलबाट २८ अंक जोडेर लिगको छैटौँ स्थानमा छ । १५ खेलबाट २९ अंक सहित म्यानचेस्टर युनाइटेड पाँचौं स्थानमा रहेको छ ।

लेस्टर भने १७ खेलबाट १७ अंक जोड्दै १३ औँ स्थानमा छ ।