अग्रता जोगाउन नसक्दा म्यानचेस्टर सिटीले अंक बाड्यो

काठमाडौँ- इंग्लिस प्रिमियर लिग अन्तर्गत अग्रता जोगाउन नसक्दा साविक विजेता म्यानचेस्टर सिटीले एभर्टनसँग अंक बाडेको छ । इतिहाद स्टेडियममा शनिबार राति भएको खेलमा सिटीले एभर्टनसँग १-१ को बराबरी खेलेको हो ।

नर्वेजियन स्ट्राइकर अर्लिङ हालान्डले २४ औँ मिनेटमा गोल गर्दै सिटीलाई अग्रता दिलाएका थिए । तर एभर्टनका डेमाराइ ग्रेले ६४ औँ मिनेटमा गोल गर्दै खेल बराबरीमा ल्याए ।

---

यस नतिजासँगै सिटीले १६ खेलबाट ३६ अंक जोड्दै लिग तालिकाको दोस्रो स्थानमा छ । अर्कोतर्फ शीर्ष स्थानको आर्सनलले भने १६ खेलबाट ४३ अंक जोड्दै सिटीसँग ७ अंकको दूरी बनाएको छ ।

एभर्टन भने १७ खेलबाट १५ अंक जोड्दै १७ ‍औँ स्थानमा छ ।