चेल्सीले अंक बाड्दा, टोटेनहम पराजित

काठमाडौँ- इंग्लिस प्रिमियर लिगअन्तर्गत चेल्सीले अंक बाड्दा टोटेनहमले भने पराजय भोगेको छ । चेल्सीले नटिङघम फरेस्टसँग १-१ गोलको बराबरी खेलेपछि अंक बाडेको हो ।

रहिम स्टर्लिङले १६ औँ मिनेटमै गोल गर्दै चेल्सीलाई अग्रता दिलाएका थिए । तर नटिङघमका सर्जे औरियरले ६३औँ मिनेटमा गोल गर्दै खेललाई बराबरीमा पुर्‍याए ।

---

अर्कोतर्फ एस्टन भिल्लाले भने टोटेनहमलाई २-० ले स्तब्ध पार्‍यो । एस्टन भिल्लालाई जित दिलाउन इमिलियानो बुएन्डा र डगलस लुइजले एक-एक गोल गरे । बुएन्डाले ५० औँ मिनेटमा गोल गर्दै एस्टन भिल्लालाई अग्रता दिलाए भने लुइजले ७३ औँ मिनेटमा गोल गर्दै महत्वपूर्ण ३ अंक दिलाए ।

बराबरीसँगै चेल्सी १६ खेलबाट २५ अंक जोड्दै लिगको आठौ स्थानमा उक्लिएको छ । यता फरेस्ट भने १७ खेलबाट १४ अंक जोड्दै १८औँ स्थानमा उक्लिएको छ ।

यता एस्टन भिल्ला भने १७ खेलबाट २१ अंक जोड्दै १२औँ स्थानमा यथावत छ भने टोटेनहम भने १७ खेलबाट ३० अंकसहित पाँचौ स्थानमा छ ।